ان شاء الله حنبتدي نعمل صدقات جارية مش شرط اللي يقرا الموضوع يشترك معانا ممكن يعمل نفس الافكار في محافظته وياريات اي شخص يقرأ الموضوع ده ويعرف مساجد محتاجة اكفان او خشبة غسل او صندوق لنقل الموتي يبعتلي ايا كانت المحافظة عيزين ننشر الخير ده في كل مكان لان للاسف الموت اخر شئ بيخطر ع بالنا وكأننا مخلدين
1- خشبة غسل استنالس ودي بتكون في اي مسجد وبيستعين بيها اهل الميت في غسله في البيت لانها بتسهل الغسل
2- صندوق نقل الموتي
3- الاكفان بالنسبة لينا هنا في القاهرة الاكفان كتير المشكلة في القري سواء في وجه بحري او الصعيد ياريت اي حد في الاماكن دي يحاول ينشر الفكرة ويبعت لي جايزز اقدر اوصلهم الاكفان
4- كراسي بعجل لاطفال الشلل الدماغي بمستشفي الدمرداش - وطبعا مش الدمرداش بس هما اللي محتاجين اكيد في مستشفيات تانية ياريت اي شخص جنبه مستشفي عام ويعرف مسؤل فيها يحسبه ع خير ( وده لضمان ان الصدقة تستغل في الخير فعلا ) ويكون محتاج الكراسي دي يبعتلي وننشر
5- مسجد بالمنوفية محتاج مصاحف وكتيبات صغيرة وهنا انا ليا وقفة يا جماعه مش عايزة حد يشتري مصاحف جديدة كتير مننا عنده مصاحف للزينة سواء في البيت او في العربية اعتقد ان في ناس اولي ممكن تقرا وتستفاد وفي بردو فكرة استعارة الكتيبات الصغيرة من المساجد ممكن اي شخص ينفذها في اقرب مسجد ليه
ورجاء اي شخص بذان من سكان القري والمحافظات محتاجين للمصاحف او الكتيبات دي ياريت يذكر اسم المسجد وعنوانه بالظبط واسم المسؤل فيه وححاول بقدر الامكان نوفر
هي دي الافكار اللي عندي واللي حنتولها خلال شهر وان شاء الله كل شهر حنحاول نعمل افكار جديدة للصدقات الجارية وارجو من الجميع المشاركة فيها
No comments:
Post a Comment